Monday, June 2, 2008

Dost bn kr bhi..........

dost ban kar bhi nahin saath nibhaane vaalaa
vahii andaaz hai zaalim kaa zamaane vaalaa

ab ise log samajhate hain giraftaar meraa
saKht nadiim hai mujhe daam mein laane vaalaa

kyaa kahain kitane maraasim the hamaare is se
vo jo ik shaKhs hai muu pher ke jaane vaalaa

tere hote hue aa jaati thi saari duniyaa
aaj tanhaa huun to koi nahin aane vaalaa

muntazir kis kaa huun TuuTii howi dahaliiz pe main
kaun aayegaa yahaan kaun hai aane vaalaa

main ne dekhaa hai bahaaron mein chaman ko jalate
hai koi Khvaab ki taabiir bataane vaalaa

kyaa Khabar thi jo meri jaan mein ghulaa hai itanaa
hai vahi mujh ko sar-e-daar bhii laane vaalaa

tum taqalluf ko bhi iKhalaas samajhate ho 'Fahad'
dost hotaa nahin har haath milaane vaalaa ..........

No comments: