Hamara kya hai key ham to chiraagh-e-shab ki tarah
Agar jaley bhi tu bas itani raushani hogi
Key jaisey tund andheroon ki raah mein jugnuu
Zara si deir ko chamakey chamak ke kho jaey
Phir is ke baad kisi ko na kuchh sujhaee dey
Na shab katey na suraagh-e-sehar dikhaee dey
Hamara kya hai ke ham tu pas-e-ghubar-e-safar
Age chaley bhi tu bas itni raah tay hogi
K teiz havaoon ki zard mayal naqhs-e-qadam
Zara si deir ko ubhrein ubher kay mit jaey
Phir us key baad na rasta na rah guzar miley
Hadd-e-nigah talak dasht-e-bekanaar miley
Hamari simt na dekho ke koi deir main ham
Qabeela-e-dil-o-jaan judaa honey waley hain
basey basaey howey sheher apni aankhoon key
Misal-e-khana-e-veeran ujernay waaley hian
Hawa ka shor yehi hai to dekhtey rehna
Hamari umar ke Kheaimay ukhernay walay hain
Subscribe to:
Post Comments (Atom)
No comments:
Post a Comment